Американинг ҳарбий вертолёти Австриянинг Бергерн шаҳрида мажбуран қўнди. У дарахт билан тўқнашиб кетган. Бу ҳақда ORF телекомпанияси хабар бермоқда.

АҚШ ҲҲКнинг Black Hawk ва Chinook вертолётлари Венгрияга, НАТО машқларида қатнашиш учун йўл олаётганди. Black Hawk Австрия ҳудуди устидан ўтаётганда дарахт билан тўқнашиб кетган, шу сабабдан фавқулодда қўнишга мажбур бўлди.

Таъкидланишича, бортда етти нафар америкалик ҳарбий бўлган, улар жиддий жароҳат олмади. Айни дамда Black Hawk Австрия ҳарбийлари томонидан қўриқланмоқда.