«Барселона» президенти Хосеп Мария Бартомеу собиқ яримҳимоячи Хавининг каталонияликлар асосий таркибида клуб академияси тарбияланувчилари кўп эмаслиги ҳақида гапирганига ўз муносабатини билдириб ўтди.

«Хави «Барселона» асосий таркибида академиянинг кўп вакиллари худди Месси, Хави ва Иньестадек қўшилиб кета олмаётганини танқид қилди? Муаммо шундаки, айнан Хави, кейин Иньеста ва Месси ва бошқа футболчилар бунга тўсқинлик қилган. Месси, Неймар, Хави, Иньеста, Бускетс ёки Пике каби футболчилар ўйнаётган жамоанинг асосий таркибига кириш осон эмас.

Хави 15 йил давомида асосий таркибда ўйнади. Демак, бу давр мобайнида ёшлар таркибининг 15 футболчиси жамоани тарк этиши керак эди. Муаммони Хави ва унинг дўстлари вужудга келтирди» - дея Бартомеунинг сўзларини келтиради The New York Times.