Ўзбекистон ҳукумати мамлакатнинг Жаҳон банкининг ҳар йилги "Бизнес юритиш" (Doing business) ҳисоботидаги рейтингини яхшилаш бўйича чоралар кўришни режалаштирмоқда.  

Вазирлар Маҳкамасининг тегишли қарор лойиҳаси муҳокама учун чоп этилди. 

Ҳужжатга кўра, ҳукумат Ўзбекистоннинг ушбу рейтингдаги ўрнини янада ошириш учун ишларни координацияловчи идоралараро комиссия ташкил этмоқчи.

Комиссия давлат идораларининг бизнес юритиш учун шароитларни яхшилаш чораларини татбиқ қилиш ва ишбилармонлик муҳитини яхшилаш бўйича тадбирларни таҳлил қилиш билан боғлиқ саволлардаги ҳамкорлигини таъминлайди. 

Комиссия бизнес учун шароитларни яхшилаш бўйича вазифаларини бажармаётган давлат органлари раҳбарларини жавобгарликка тортиш чораларини қабул қилиш бўйича таклифлар киритади.

Ҳужжатда таъкидланишича, режалаштирилган тадбирларнинг амалга оширилиши Ўзбекистоннинг ушбу рейтингдаги позициясини ҳар йили 10 поғонага яхшилашга имкон беради. Тахмин қилинишича, Ўзбекистон 2021 йилга келиб рейтингда 2016 йилдаги 87-ўриндан 40-ўринга кўтарилади.