Ёнғоқ плантацияси ташкил этиш учун нималарни билиш ва қилиш керак?

Жамият 29 Июль 2017 12112

САВОЛ: Мен яшайдиган ҳудудга яқин жойларда ёнғоқ етиштириш учун қулай бўлган лалми ерлар мавжуд. Мен ушбу ерларда ёнғоқ плантанцияларини ташкил этмоқчиман. Шундай плантациялар ташкил этилган тақдирда, фаолиятим давомида ҳамкорлик қилишим мумкин бўлган ташкилотлар ҳамда республикамизда яратилган имтиёзлар юзасидан маълумот берсангиз.

З.АБДУЛЛАЕВ,

Сурхондарё вилояти

ЖАВОБ: Сиз мурожаат қилган масалага, шунингдек, ушбу соҳани ривожлантиришга республикамизда алоҳида эътибор қаратиб келинмоқда. Жумладан, Президентимизнинг 2017 йил 1 июндаги «Ёнғоқ ишлаб чиқарувчилар ва экспорт қилувчилар уюшмасини тузиш ва унинг фаолиятини ташкил этиш тўғрисида»ги Қарори  қабул қилинди.

Мазкур Қарор билан Ёнғоқ ишлаб чиқарувчилар ва экспорт қилувчилар уюшмаси, Ёнғоқ логистика маркази ҳамда «Sag agro МТП» МЧЖ ташкил этилди.

Белгиланган тартибга кўра, «Sag agro МТП» МЧЖ ёнғоқ ишлаб чиқарувчиларга агротехник тадбирларни амалга ошириш бўйича механизация хизматлари, «Ёнғоқ логистика маркази» ёнғоқ маҳсулотларини қайта ишлаш ва сақлаш бўйича хизматлар кўрсатишга, экспорт қилинадиган маҳсулотларни тайёрлаш ва божхона ҳужжатлари расмийлаштирувини таъминлашга ихтисослашади.

Сиз ёнғоқ плантацияларида агротехник тадбирларни амалга ошириш, шунингдек, ёнғоқ маҳсулотларини қайта ишлаш, сақлаш ва экспорт қилиш масалалари юзасидан мазкур ташкилотлар билан ҳамкорлик қилишингиз мумкин.

Шунингдек, мазкур қарор билан ёнғоқ плантацияларини барпо этиш бўйича лойиҳаларни амалга ошириш доирасида Уюшма таркибига кирувчи ташкилотлар томонидан четдан олиб келинадиган Ўзбекистон Республикасида ишлаб чиқарилмайдиган томчилатиб суғориш ускуналари, махсус қишлоқ хўжалиги техникалари, ёнғоқ кўчатлари, пайвандтаглари, пайвандустлари, оналик материаллари, белгиланган тартибда тасдиқланадиган рўйхат асосида, божхона тўловларидан 2020 йилнинг 1 январигача бўлган муддатга озод этилди.

Саволга Қишлоқ ва сув хўжалиги вазирлиги Юридик бошқармаси бош мутахассиси Дилмурод ҲУСАИНОВ жавоб берди.

Эслатма: «Юридик хизмат минбари»да саволларга берилаётган жавоблар тавсиявий характерга эга.

Кун янгиликлари
“Менга ҳаловат йўлини кўрсатинг...”. Тўй қилиб қарзга ботган ота уламоларга юзланди
16:00 / 17.08.2017 39314 Жамият
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 44581 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 6531 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 18030 Ўзбекистон
Тошкентда «Тозалаш-антитеррор» тадбири доирасида 90 киши қўлга олинди
15:40 409 Жамият
Шавкат Мирзиёев Бекобод шаҳри фаоллари билан учрашди
ASUS ZenFone 4 ва Zenfone 4 Pro флагманини намойиш этди
АҚШ ва Хитой ўртасидаги савдо жангининг 5 жиҳати
Барселонадаги терактга алоқадорликда гумонланган яна бир шахс қўлга олинди
15:20 527 Жаҳон
Иноятов: Сўнгги 5-6 йил ичида мактаблар пахта теримига умуман жалб этилмаган
Кўпроқ янгиликлар