Францияда икки ўсмир катта миқёсдаги ўрмон ёнғинларини келтириб чиқарган атайлаб ўт қўйишда айбланмоқда. Ўсмирларга бу қилмишлари учун 15 йиллик қамоқ жазоси берилиши мумкин.  

16 ёшли ўсмирлар 26 июлда мамлакатнинг жанубидаги Прованс-Альплар — Мовий соҳил ҳудудидаги Мартиге шаҳрида ушланганлар.

Ўсмирлар Карро коммунасидаги ўт қўйишлардан ташқари ўғирликда айбланмоқдалар, деб хабар бермоқда “Интерфакс” ахборот агентлиги. 

Ўсмирлар устидан суд жараёни қачон бошланиши ҳозирча маълум қилинмаган.

Франция жанубидаги ўрмон ёнғинлари июль ойлари ўрталаридан бошланган. Охирги маълумотларга кўра, тарқалишига иссиқ ҳаво ва шамол кўмак бераётган аланга 10 минг гектардан кўпроқ ўрмонни йўқ қилган.