Қорақалпоғистон Республикасининг Қўнғирот тумани "Бердақ" МФЙ (ҳудуд ва исмлар ўзгартирилган) "Маман" овули ҳудудида яшовчи фуқаро Р.Назаров ўзи яшайдиган уйи атрофидаги бўш иморатга буғдой ва шолини қайта ишлашга мўлжаалланган ускунани ишлатишда Қўнғирот электр таминоти корхонаси билан шартнома тузмасдан ТП-79 сонли трансформатордан чиққан симни ёғочга улаб, ўзбошимчалик билан фойдаланиб, ҳажми 9 киловатлик қалбаки электр аппарати орқали 236,520 киловатга тенг энергия ресурсларидан ноқонуний фойдаланган, деб хабар бермоқда Kruz.uz.

Бунинг натижасида у давлатга 49 миллион 314 минг 420 сўм миқдорида зарар келтирган.

Бу ҳолат бўйича Р.Назаровга нисбатан Ўзбекистон Республикаси Жиноят кодексининг тегишли моддаси билан жиноят иши қўзғатилиб, ҳозирги вақтда суриштирув ишлари олиб борилмоқда.