Зимбабвенинг 93 ёшли президенти Роберт Мугабе ўз лавозимидан кетмаслигини ва ўлмаётганини айтди. У бу ҳақда Чинхойи шаҳридаги ўн минглаб тарафдорлари олдидаги нутқида айтиб ўтди.

Мугабе унинг ўрнини эгаллайдиган бирор одам борлигини билмаслигини айтган. У шифокорлар унинг “кучли суягидан” ажабланишганини қўшимча қилган.  

Мугабе Зимбабвени 1980 йилдан бери бошқариб келади ва айни вақтда шифокорлар унинг саломатлиги ортидан синчков кузатиб бормоқдалар. 

Аввалроқ Мугабе вакили унинг йиғилишларда кўзи юмуқ ҳолда бўлишига тушунтириш берганди. Унинг айтишича, Мугабе йиғилишлар вақтида ухламайди, балки шу тариқа кўзини ҳимоя қилади.