Хабарингиз бор Кун.uz сайти жамоаси Қашқадарё вилоятида ижодий сафарда бўлди. Мазкур сафар давомида вилоятнинг иқтисодий-ижтимоий ривожланиши ва бу йўлда олиб борилаётган ишлар билан яқиндан танишилди. 

Бугунги кунда Қашқадарё вилоятининг иқтисоди мамлакат ривожида алоҳида аҳамиятга эга. Хусусан, “Ўзбекчармпойабзали” уюшмаси ва Халқ банки томонидан Қарши шаҳрида ташкил этилган чорвачилик “Қарши Лезер” корхонаси айни фикрларнинг амалдаги ифодасидир.

“Қарши Лезер” корхонаси Ўзбекистон-Хитой-Исроил қўшма корхонаси негизида ташкил этилган бўлиб, тайёр чарм ишлаб чиқаришга ихтисослаштирилган. 

“Корхонанинг ташкил этилганига яқинда бир йил бўлади”, - деди биз билан суҳбатда “Қарши Лезер” корхонаси менежери Баҳодир Шерматов. – “Ишлаб чиқариш жараёнлари бир меъёрда давом этмоқда. Ишлаб чиқариш қуввати кунига 50 тонна йирик шоҳли қорамол терисини қайта ишлаш кучига эга. Бундан ташқари, олиб бораётган ишларимиз биринчи босқичда. Келажакда юқори технологияларни жалб этган ҳолда ишлаб чиқариш суръатини янада оширмоқчимиз”.  

Бу ерда фаолият юритаётган хитойлик мутахассислар билан суҳбатлашганимизда улар шароитларнинг яхшилиги, ишлар энди бошлангани, Ўзбекистоннинг сўлим табиати уларга манзур келгани ҳақида сўзлаб беришди.

Қариийб 4,5 гектар майдонда қад кўтарган корхонада 100 ортиқ янги иш ўрини яратилган. Ҳозирги кунга қадар 800 минг долларлик чарм экспорт қилинди. Ўйлаймизки, мазкур лойиҳа келажакда Ўзбекистон ривожида салмоқли ўринга эга бўлади.