«Барселона» ҳужумчиси Неймар «ПСЖ»га ўтишга яқин турибди.

International Champions Cup доирасида «Реал»га қарши ўйиндан кейин футболчи Хитойга йўл олиб, Nike тадбирида иштирок этади. 

Шундан сўнг Неймар «ПСЖ» хўжайини Носир ал-Ҳелайфийга тегишли бўлган Qatar Sports Investment жамғармаси билан шартнома имзолаш учун Доҳага йўл олади.

El Mundo Deportivo хабарига кўра, Франциядаги солиқ сиёсати туфайли Неймарнинг трансфери «ПСЖ»га 222 миллион евро эмас, 300 млн еврога тушади.

Охирги хабарларга кўра, Неймар жамоадошларига аллақачон бошқа клубга ўтаётгани ҳақида маълум қилган.