Грузиянинг собиқ президенти Михаил Саакашвили унинг Киевга қайтиши ортида Пётр Порошенконинг Украина президенти лавозимидан ағдарилиши юз беришини айтди.

Украинанинг миграция хизмати 26 июлда Порошенко Саакашвилини Украина фуқаролигидан маҳрум қилганини маълум қилганди. Саакашвилининг ўзи АҚШда эканлигини айтган. Украинанинг бир қатор ОАВлари у Украинага қайтиш истагидалигини маълум қилишган. Саакашвилининг адвокати унинг Украинага қачон қайтиши ҳақида билмаслигини айтган. Саакашвилининг айтишича, Порошенко 7-19 июль кунлари Грузияга ташрифи вақтида Грузиянинг собиқ бош вазири, миллиардер Бидзина Иванишвили билан махфий учрашув ўтказган. Саакашвилининг таъкидлашича, учрашув давомида улар грузиялик прокурорлар Киевга Саакашвилига қарши жиноятлар бўйича айбловларга асос бўладиган сохта исботларни тақдим қилишга келишиб олганлар. 

“Порошенкога мени Киевда ушлаб, Грузияга бериш нафлироқ бўларди, бироқ Иванишвили менинг Грузияда бўлишимни истамаяпти, бу унга муаммо бўларди. Барибир бу муаммо унинг олдида турадиган вақт келади, бироқ менинг келишим бошқача тарзда бўлади», деб айтди Саакашвили "Рустави 2" телекомпанияси эфирида ва бошланишига у ва унинг жамоаси “Киевда бир қатор тадбирларни амалга оширишни” режалаштираётганини қўшимча қилган.

“Порошенко мендан ҳеч қанақасига қутулмади, аксинча унинг ҳаракатлари барча Украина мухолифатини бирлаштирди. Янги тарихда етакчи ўз рақибини мамлакатдан чиқариб ташлашни исташига, рақиб эса қайтиб, бу етакчини ағдариб ташлашига кўплаб мисоллар мавжуд. Айнан шу ҳодиса Украинада юз беради. Менинг келишим ортида Порошенконинг ағдарилиши юз беради, биз Украинага мутлақ бошқа лавозимларга қайтамиз», деб қўшимча қилган Саакашвили.