Доллар курси: Тошбақа Ахиллесга қачон етиб олади?

Иқтисодиёт 31 Июль 2017 69102

Жорий ҳафтада долларнинг Марказий банк томонидан белгиланган расмий курси 27 сўм 99 тийинга ошиб, 4098 сўму 37 тийин этиб белгиланди. Ўтган ҳафтадаги курс 27,91 сўмга ошган эди.

Сўнгги 6 ҳафтадаги расмий курс ошиши динамикасига эътибор қаратинг:

27 июнь: +27.99 = 3958.56
04 июль: +27.95 = 3986.55
11 июль: +27.95 = 4014.50
18 июль: +27.97 = 4042.47
25 июль: +27.91 = 4070.38
31 июль: +27.99 = 4098.37

Кўриб турибсизки, долларнинг МБ томонидан белгилаган, бироқ ўзи харид қилиш ё сотиш мажбуриятини олмаган расмий курси ҳафтасига деярли 28 сўмдан ошиб бормоқда. 

АҚШ долларининг «қора бозор»даги айрибошлаш курси эса шу ҳафталар ичида 8350-8400 сўм атрофида бўлиб турибди.

Расмий курс ниманинг эвазига ҳафтасига ўртача 27,95 тийиндан ошиб бораётгани номаълум. Саноқни бошлаган кунимиз — 27 июнь санасидаги 27,99 сўмлик ўсиш ўша куни белгиланган 3958,56 сўмнинг 0,707 фоизини ташкил этади. 

Агар курс ҳафтасига 0,707 фоиздан — ўзгармасдан ошиб борганида (йилига бу 37,78 фоиз ошишни ташкил этади) ҳафтасига ўсиш динамикаси соф арифметик прогрессияда қуйидагича кўринишга эга бўлар эди.

27 июнь: 3958.56
04 июль: +27.99 = 3986.55
11 июль: +28.39 = 4014.74
18 июль: +28.58 = 4042.89
25 июль: +28.78 = 4071.05
31 июль: +28.98 = 4099.16

Агар шу вазият ўзгармаса, ўсиш ҳафтасига бир марта — 0,707 фоиздан давом этса, фақат 2020 йилнинг 6 январига бориб расмий курс 10 минг сўмлик довондан ўтар экан. Ўша куни ҳафталик ўсиш 70 сўм 41 тийинни ташкил этади.

Ярим йил олдинроқ — 2019 йилнинг 8 июлида эса ҳозирги «қора бозор» курси — 8350 сўмлик маррага етиб олинади.

Ҳафталик курс фоиз ҳисобида эмас, ҳозиргидек ўртача 27 сўму 95 тийиндан ошиб борганда-чи? Албатта, бу ҳолда 8350 сўмлик ва 10 минг сўмлик довонга етиш учун муддат узаяди. 

 Ш.Шокиржонов тайёрлади 

Кун янгиликлари
Судьянинг нохолислиги ёки давлат телеканалининг “шохи” борми?
19:21 / 17.08.2017 82469 Жамият
“Менга ҳаловат йўлини кўрсатинг...”. Тўй қилиб қарзга ботган ота уламоларга юзланди
16:00 / 17.08.2017 42649 Жамият
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 49169 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 8316 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 19324 Ўзбекистон
Олий лига. «Пахтакор» Самарқандда очко йўқотди
21:12 561 Спорт
Ўзбекистон ва Қирғизистон томони туризм соҳасида алоқаларни чуқурлаштиришга келишиб олишди
Канада авиакомпанияси самолётининг 200 дан кўпроқ йўловчиси багажсиз қолди
21:00 669 Жаҳон
Шарлотсвиллдаги тўқнашувлар қурбонининг онаси Трамп билан суҳбатлашишдан бош тортди
20:40 863 Жаҳон
B1 ва ундан юқори сертификат билан бакалавриатга ўқишга киришда чет тилидан озод қилинади
Кўпроқ янгиликлар