Ёзёвон тумани ИИБга 2016 йил 15 июнь куни Ёзёвон туманида яшовчи  Г.Ҳомидова ариза билан мурожаат қилиб, кундузи яшаш уйига номаълум шахс ғайриқонуний равишда кириб, ётоқхонасидан жами нархи 13 400 000 сўмлик турли хилдаги тилла тақинчоқларини ўғрилаб кетганлигини маълум қилганлиги холати бўйича ИИБ ТБ томонидан номаълум шахсга нисбатан ЖКнинг 169-моддаси 2-қисми "г" банди билан жиноят иши қўзғатилган. Бу ҳақда Кун.uz’га Фарғона вилояти ИИБ хабар берди.

Фарғона вилояти ИИБ ЭКБ га ўрнатилган ва ишга туширилган Наманган вилояти ИИБ ЭКБ нинг базаларида  юқорида кўрсатилган ўғрилик жинояти жойидан олинган қўл бармоқ излари киритилиб текширилганда, Наманган вилояти Наманган шаҳрида яшовчи, муқаддам ЖИБ Наманган вилояти суди томонидан ЖКнинг 169-моддаси 2-қисми «г» банди, ЖИБ Косонсой тумани суди томонидан ЖКнинг 169-моддаси 3-қисми «а» банди билан судланиб, 3 йил синов муддати берилган К.Назирова (исм-шарифи ўзгартирилган) бармоғидан қолдирилганлиги аниқланган. Тергов ҳаракатлари ИИБ томонидан олиб борилмоқда.