САВОЛ: Мен фермер хўжалигимга такрорий экин экмоқчиман. Такрорий экин экиш учун сарфланадиган нефть маҳсулотларини нефтебазалардан сотиб олиш учун хўжалик шартномаси тузса бўладими? Нефть маҳсулотларининг нархи ва тўлови қандай бўлади?

З.ТошпЎлатов,

Самарқанд вилояти

ЖАВОБ: Ғалла ўрими мавсумидан сўнг бўшаган ерларга такрорий экин экмоқчи бўлган фермер хўжаликларининг (қишлоқ хўжалиги маҳсулотлари етиштирувчи корхоналарнинг) тақсимотини шаҳар ёки туман ҳокимликлари томонидан етказиб берувчи ва хизмат кўрсатувчи корхоналарга тақдим этади.

Тақсимотда қишлоқ хўжалиги маҳсулотлари етиштирувчи корхонанинг неча гектар экин майдонига қайси турдаги такрорий экин экмоқчи эканлиги, унга сарфланадиган ёқилғи мойлаш материаллари миқдори киритилади. Шундан сўнг нефть маҳсулотлари етказиб бериш тўғрисида шартнома тузилади.

Такрорий экин учун тўлов олдиндан 100 фоиз амалга оширилади ва дизель ёқилғиси нархи давлат эҳтиёжи учун етиштириладиган ғалла ва пахта учун бериладиган дизель ёқилғиси имтиёзли нархига 10 фоиз устама қўйган ҳолда белгиланади.

Саволга «Ўзнефтмаҳсулот» АК юрисконсульти Матусмон УТАГАНОВ жавоб берди.

Эслатма: «Юридик хизмат минбари»да саволларга берилаётган жавоблар тавсиявий характерга эга.