АҚШ президенти Дональд Трамп ва Япония бош вазири Синдзо Абэ ўзаро телефон мулоқоти давомида Шимолий Кореяга босимни оширишга келишиб олдилар. Шунингдек, улар бошқа давлатларни ҳам ушбу стратегияга қўшилишга чақиришади. Бу ҳақда Оқ уй хабарида айтилади.

«Президент Трамп ва бош вазир Абэ Шимолий Кореяга иқтисодий ҳамда дипломатик босимни оширишга тайёрликларини билдиришди, шунингдек, улар бошқа давлатларни ҳам бунга қўшилишга кўндиришга ҳаракат қилиб кўришади», - дея баёнотдан иқтибос келтиради РИА Новости.

Аввалроқ Япония бош вазирининг рафиқаси Трамп билан гаплашмаслик учун кутилмаган усулдан фойдалангани хабар қилинганди.