Одесса вилояти собиқ губернатори Михаил Саакашвилининг маълум қилишича, Украина президенти Пётр Порошенконинг уни фуқароликдан маҳрум этиш бўйича қарори «Россияга энг яхши совға» бўлган. У бу ҳақда АҚШдан видеоалоқа бўйича матбуот анжуманида айтиб ўтди.

«Президент Порошенконинг қарори – бу Россияга энг яхши совғадир», - дея унинг сўзларини келтиради ТАСС.

Сиёсатчининг таъкидлашича, Порошенко ушбу қарор билан «Украина демократиясини кучсизлантирди».

Бундан ташқари, Саакашвили курашни давом эттиришга ваъда берди.

Аввалроқ Михаил Саакашвили АҚШ ёки бошқа давлатлардан бошпана сўрамаслиги ҳақида маълум қилганди.