Сарвар Отамуратов болалар соғлиғига зарар етказувчи ахборотдан ҳимоя қилиш вазифаси ҳақида гапирди

Ўзбекистон 01 Август 2017 2783

Олий Мажлис Қонунчилик палатасининг 31 июль кунги йиғилишида «Болалар соғлиғига зарар етказувчи ахборотдан уларни ҳимоя қилиш тўғрисида»ги қонун лойиҳаси биринчи ўқишда атрофлича муҳокама этилди. 

«Миллий тикланиш» партияси вакили, Қонунчилик палатаси спикери ўринбосари Сарвар Отамуратов ушбу қонун лойиҳаси болаларимизнинг маънавий-руҳий дунёсини ҳар хил хуружлардан ҳимоя қилишга йўналтирилганлиги билан муҳим аҳамиятга эгалигини айтиб ўтган.

«Уни ишлаб чиқишда нафақат вазирлик ёки давлат идоралари, балки кўпгина нодавлат нотижорат ташкилотлар фаол иштирок этганлигини алоҳида таъкидлаб ўтмоқчиман. Жумладан, бизни «Миллий тикланиш» демократик партияси фаоллари, фракциямз аъзолари ҳам қонун лойиҳаси юзасидан кўп ва салмоқли таклифлар билдирдилар. Уларнинг кўпчилиги инобатга олинган. Хусусан, фуқароларни ўзини ўзи бошқариш органларининг ҳамда оммавий ахборот воситаларининг болалар соғлиғига зарар етказувчи ахборотдан ҳимоя қилишдаги ваколатларини белгиланиши бизнинг таклифимиз асосида лойиҳага киритилган.

Куни кеча, Наманган вилоятининг Уйчи туманида партиямиздан сайланган маҳаллий Кенгаш депутатлари, партиямиз фаоллари билан ушбу қонун лойиҳасини кенг ва атрофлича муҳокама қилдик. У ерда жуда кўп таклифлар билдирилди. Барча вилоятларда қонун лойиҳаси муҳокама этилиб, таклифлар умумлаштирилиб, фракциямиз томонидан маъсул қўмитага тақдим этилди.  

Қонун лойиҳасида жуда кўп камчиликлар кўзга ташланмоқда. Очиғини айтганда, у аксарият талабларга ҳам жавоб бермайди Мисол учун, қонуннинг номи тушунарсиз («Болаларни уларнинг соғлиғига зарар етказувчи ахборотдан ҳимоя қилиш тўғрисида» деб номлаш мумкин), моддаларининг бир-бирига боғланмаганлиги ёки ундаги нормалар очиб берилмаганлигини ҳам кўришимиз мумкин. Мисол учун, қонун лойиҳасининг 5-моддасида соҳада давлат сиёсатини асосий йўналишлари кўрсатилган, лекин улар (бошқа моддаларда) етарли даражада очиб берилмаган.

Сайловолди дастуримизда ушбу ўта муҳим масалага алоҳида эътибор қаратилган. Хусусан, унда ёшларнинг камолотига хизмат қиладиган креатив ахборот муҳитини яратиш, болаларни уларнинг жисмоний ва маънавий-ахлоқий ривожланишига зарар етказадиган ахборотлардан муҳофаза қилиш, халқимизга ёт ва ёш авлод онги учун зарарли бўлган «оммавий маданият»нинг салбий таъсиридан ёшларни муҳофаза қилиш мақсадида уларни миллий тикланиш ғояси, миллий маданият ва қадриятларни эъзозлаш руҳида тарбиялаш вазифалари белгиланган.

Шу нуқтаи назардан, қонун лойиҳасининг концептуал асосларини маъқуллаб, уни иккинчи ўқишга тайёрлашда ва маромига етказишда фракциямиз аъзолари фаоллик кўрсатади», деган Отамуратов.

Кун янгиликлари
Судьянинг нохолислиги ёки давлат телеканалининг “шохи” борми?
19:21 / 17.08.2017 95144 Жамият
“Менга ҳаловат йўлини кўрсатинг...”. Тўй қилиб қарзга ботган ота уламоларга юзланди
16:00 / 17.08.2017 46374 Жамият
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 51590 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 9289 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 20099 Ўзбекистон
Яшнободда автомашина эшигини сих орқали очиб, 1500 долларни ўмарган шахс ушланди
Самарқандда жисмоний имконияти чекланган ёшлар билан очиқ мулоқот ташкил этилди
«Барселона» Ла Лиганинг 1-турида теракт қурбонлари хотираси учун махсус либосда майдонга тушади
01:43 418 Спорт
Оқдарёда электр таъминоти корхонасининг порахўр раҳбари ва таъмагир врач қўлга тушди
01:36 514 Жамият
Бразилия полицияси мавжуд бўлмаган спортчиларда пул қилган гуруҳни аниқлади
00:50 424 Жаҳон
Кўпроқ янгиликлар