Бугун, 1 август куни Ўзбекистондаги барча Олий таълим муассасаларида янги ўқув йили учун қабул имтиҳонлари бўлиб ўтмоқда. Бу йилги имтиҳонлар ҳар сафаргидан кўра қатъий тартибларда ўтказилади, шаффофликни таъминлаш чоралари кучайтирилган.

Хусусан, Юридик университетининг тест имтиҳонлари жонли эфирда кўрсатиб турилади. Бу жараёнда «Кун.uz» ижодий гуруҳи ҳамда «Ўзтелеком» АК ходимлари қатнашади.

Имтиҳонлар учун «Ўзэкспомарказ» миллий кўргазмалар мажмуасининг 6 та биноси — 4та павильон ва иккита аудитория ажратилган. Бу биноларга ота-оналарнинг кузатиши, хавфсизлик ва бошқа мақсадларда кўплаб камералар билан ўрнатилган. «Ўзбектелеком» АК бош-қош бўлиб интернетга уланган ўша камераларнинг 20 тасидан тасвирлар «Кун.uz» ижодий гуруҳи ҳамкорлигида ўқувчиларимиз эътиборига ҳавола этиб турилади.

Қуйида ўша камералар томонидан узатилаётган жонли тасвирлар орқали абитуриентларнинг тест ечиш жараёнларини кузатишингиз мумкин.