Трамп тайинланганига 10 кун бўлган Скарамуччини ишдан бўшатди

Жаҳон 01 Август 2017 7609

РИА Новости’га кўра, АҚШ президенти Дональд Трамп молиячи Энтони Скарамуччини Оқ уйнинг коммуникациялар бўйича директори лавозимидан тайинланганига бор-йўғи 10 кун тўлганда бўшатди, дея хабар қилишмоқда Америка етакчисининг маъмуриятида.

«Жаноб Скарамуччининг ҳисоблашича, аппаратнинг (янги) раҳбарига ўз жамоасини тузиш учун тўла эркинлик берилганида яхши бўлар эди», — деган АҚШ маъмурияти матбуот котиби Сара Сандерс.

Илгарироқ Скармуччининг истеъфога чиқарилганини The New York Times нашри маълум қилган эди. Нашрнинг маълумотларига кўра, у Оқ уй аппаратининг янги раҳбари Жон Келлининг талаби билан ишдан бўшатилган.

Ўтган ҳафтада Оқ уй аппаратининг олдинги раҳбари Райнс Прибас ва Трампнинг матбуот котиби Шон Спайсер истеъфога чиқарилган эди. Аппаратнинг янги раҳбари этиб, истеъфодаги генерал, шу вақтгача ички хавфсизлик вазири бўлиб ишлаган Жон Келли тайинланган. Матбуот котиби лавозимига эса Сара Сандерс тайинланган.

Улар билан биргаликда Оқ уйга Прибас ва Спайсер истеъфосининг сабабчиси, дея атаб келинаётган коммуникациялар бўйича янги директори Энтони Скарамуччи ҳам келган. Азалдан бой молиячи сифатидан танилган Скарамуччи ишининг дастлабки кунлариданоқ идорадаги ҳозирги ва собиқ ходимлар шаънига қўпол сўзлар ишлатгани билан тилларга тушган эди.

Коммуникациялар бўйича янги директор билан телефон орқали сўзлашишга мушарраф бўлган New Yorker журналисти Райан Лиццнинг сўзларига кўра, Скарамуччи аппаратнинг ўша пайтдаги раҳбари Райнс Прибасни «жин урган параноик ва шизофреник», деб атаган. Ундан ташқари президентнинг стратегик масалалар бўйича ёрдамчиси Стивен Бэннонни танқид қилган ва у Вашингтонда фақат ўз манфаатларини ҳимоя қилаётганини таъкидлаган.

Сўнгроқ Скарамуччи «қизғин иборалар»дан фойдаланганини тан олган ва келгусида журналистларга ишонмаслигини ҳам маълум қилган.

Кун янгиликлари
Судьянинг нохолислиги ёки давлат телеканалининг “шохи” борми?
19:21 / 17.08.2017 95642 Жамият
“Менга ҳаловат йўлини кўрсатинг...”. Тўй қилиб қарзга ботган ота уламоларга юзланди
16:00 / 17.08.2017 46521 Жамият
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 51702 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 9337 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 20136 Ўзбекистон
Яшнободда автомашина эшигини сих орқали очиб, 1500 долларни ўмарган шахс ушланди
02:51 306 Жамият
Самарқандда жисмоний имконияти чекланган ёшлар билан очиқ мулоқот ташкил этилди
02:50 142 Жамият
«Барселона» Ла Лиганинг 1-турида теракт қурбонлари хотираси учун махсус либосда майдонга тушади
01:43 652 Спорт
Оқдарёда электр таъминоти корхонасининг порахўр раҳбари ва таъмагир врач қўлга тушди
01:36 838 Жамият
Бразилия полицияси мавжуд бўлмаган спортчиларда пул қилган гуруҳни аниқлади
00:50 534 Жаҳон
Кўпроқ янгиликлар