АҚШ президенти Дональд Трампнинг фикрича, Венесуэла президенти Николас Мадуро мамлакатда мутлақ ҳокимиятни эгаллаб олган диктатордир. АҚШ президентининг миллий хавфсизлик бўйича маслаҳатчиси Герберт Макмастер ўқиб берган Трамп баёнотида шу фикрлар бор. 

"Унинг (Мадуро тузуми) Миллий таъсис мажлиси учун сохта сайловлар йўли билан кечаги кундаги мутлақ ҳокимиятни эгаллаш бўйича сўнгги ҳаракатлари бизнинг ярим шардаги демократия учун жиддий зарбадир. Мадуро шунчаки ёмон етакчи эмас, у диктатор", — дея баёнотни ўқиб берган Макмастер. 

Ҳужжатда, шунингдек, Венесуэла ҳукумати мамлакат конституциясини ҳурмат қилиш, эркин сайловлар ўтказиш, сиёсий маҳбусларни озод этиш, венесуэлаликларнинг гуманитар муаммоларини ҳал этиш ва қатағонларга барҳам беришга чақирилган. 

Бундан ташқари, баёнотда таъкидланишича, АҚШ иттифоқчилари билан бирга Венесуэлада инсон ҳуқуқлари поймол бўлиши ва зўравонликларнинг авж олишида айбдорларни жавобгарликка тортишга ҳаракат қилади.