Венесуэлада норозилик намойишлари бошланганидан бери 120 дан ортиқ инсон ҳалок бўлди, яна 1,9 мингдан ортиқ киши жабрланди. Бу ҳақда мамлакат бош прокурори Луиса Ортега Диас хабар берди, дея маълум қилмоқда EFE.

«Сўнгги тўрт ойда қайғули балансга эгамиз – 121 киши ҳалок бўлди, 1958 инсон турли даражада тан жароҳатларини олди», - дея маълум қилди у.

Аввалроқ Венесуэладаги норозилик намойишларида 13 киши ҳалок бўлгани ҳақида хабар берилганди. Америка Қўшма Штатлари эса Венесуэла президенти Николас Мадурога қарши «демократияга путур етказганлиги» учун санкциялар эълон қилди.