Toshkentdagi mashhur kafelardan birida yong‘in yuz berdi

Toshkent shahrining Mirobod tumani Oybek ko‘chasida joylashgan "Angels Food" kafesida yong‘in yuz berdi. Bu haqda ijtimoiy tarmoqlarda xabarlar tarqaldi.

Ma'lumotlarga ko‘ra, hodisa 2 avgust kuni tungi soat 00:30lar atrofida yuz bergan. Ijtimoiy tarmoqlarda tarqalgan videoyozuvlarga ko‘ra, yong‘in kafening yon qismida yuz bergan.

Ushbu hodisaga nima sabab bo‘lgani hamda jabrlanganlar haqida ma'lumot yo‘q. Shuningdek, bu borada rasmiy xabar ham hozircha berilmadi.