Трамп Россияга қарши янада жиддий санкциялар ҳақидаги қонунни имзолади

Жаҳон 02 Август 2017 26722

АҚШ президенти Доналд Трамп Россия Федерациясига қарши янги санкциялар тўғрисидаги қонунни имзолади. Бу ҳақда Оқ уй вакилига асосланиб Америка нашрлари хабар тарқатмоқда.

АҚШ вице-президенти Майк Пенс ҳам бу маълумотни тасдиқлади.

АҚШ Сенати ўтган ойда Россия, Эрон ва КХДРга қарши санкцияларни кучайтирувчи қонун лойиҳасини қабул қилган эди. Бундан аввалроқ, Вакиллар палатаси аксар кўпчилик овоз билан уни тасдиқлаганди.

Трамп Россияга қарши санкциялар кенгайтирилишини назарда тутувчи ўзи имзолаган қонунни нуқсонли деб атаган.

«Эрон, Шимолий Корея ҳамда Россиянинг тажовузкор ва беқарорлаштирувчи ҳаракатларини жазоловчи ва тутиб турувчи қатъий чораларни қўллаб-қувватласам ҳам, бу қонун жуда нуқсонлидир.

Қонун лойиҳасини тезроқ қабул қилишга интиларкан, Конгресс унга бир қатор конституцияга зид ҳолатларни киритди», деган у.

Бундан ташқари, Трамп давлат раҳбарини Россияга қарши санкцияларни бекор қилиш борасидаги мутлақ ваколатидан маҳрум қилишга бўлган уринишни танқид қилган.

Трамп қонун реализацияси Украина инқирозини бартараф этишга тўсқинлик қилмаслигига умид билдирган.

Россия иқтисодиётига қарши йўналтирилган қонун лойиҳаси соҳавий санкцияларни кўзда тутади. Хусусан, у Америка санкциялари рўйхатига киритилган Россия банкларини молиялаштиришнинг энг юқори муддатини имкон қадар қисқартириб, 14 кунга туширади. Нефтегаз соҳасини молиялашни 60 кунгача қисқартиради. Қолаверса, бу санкциялар технологик чекловларни ўз ичига қамраб олган.

Бу галги санкциялар ўтган сафаргисидан бир неча кучли асоратларга эга бўлиши мумкин.  Янги санкцияларга кўра, рус банклари ва молия институтларининг Ғарбдан 2 ҳафтадан ортиқ муддатга маблағ ола олмаслиги Россия иқтисодиётини, энергетика соҳасини оғир аҳволга тушириб қўяди ва узоқ муддатли истиқболда Россия иқтисодиётига жиддий зарба бўлади.

Иккинчи совуқ уруш нафаси: Путин жавоб юришини амалга оширди

Кун янгиликлари
Абитуриент ҳикояси: “Мен ўқув маркази томонидан алдандим”
10:34 / 20.08.2017 30076 Lifestyle
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 42352 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 158808 Жамият
Кун.uz офис изламоқда
15:48 / 06.08.2017 45019 Lifestyle
Ла-лига. «Барселона» ғалаба билан бошлади
01:32 112 Спорт
Илон Маск БМТдан жанговор роботларни тақиқлашни талаб қилмоқда
Коалиция бомбалари остида 80 нафар суриялик ҳалок бўлди
00:27 769 Жаҳон
РФПЛ. «Ростов» «Краснодар» билан дуранг ўйнади, Шомуродов захирадан майдонга тушди
00:23 417 Спорт
Ҳафта дайжести: 50 минг сўмлик пул, мактаб формаси, бепарво МИБ, қотил ушланди, кирилл-лотин машмашаси, Барселонадаги теракт...
00:16 1891 Жаҳон
Бундеслига. «Боруссия» М ғалаба қозонди, «Айнтрахт» дуранг ўйнади
00:13 166 Спорт
Кўпроқ янгиликлар