Туркиянинг Мармарис курорти яқинида бедарак йўқолган уч кишини қидириш ишлари олиб борилмоқда. Улар туристик яхтанинг фалокатга учраши натижасида йўқолган, деб хабар бермоқда NTV телеканали.

Ҳодиса Бўзбурун туманидаги очиқ денгизда рўй берди. Маълум бўлишича, саккиз инсон қутқариб олинди, бортда ҳаммаси бўлиб 11 киши бўлган.

Айни дамда яхта нима сабабдан чўкиб кетгани номаълум.

Мармарис соҳилни қўриқлаш хизмати вакилининг сўзларига кўра, яхтада фақатгина Туркия фуқаролари бўлган.