Исроилнинг "Бней Йегуда" жамоасининг икки футболчиси Аяде Абаши ва Бин Тургеман Истанбул аэропортида бир рейсдан бошқасига ўтиш чоғида адашиб қолдилар. Натижада ўйинчилар Санкт-Петербургга бўлган рейсга кечикишган, деб хабар бермоқда "Р-Спорт" Sport5 интернет саҳифасига асосан.

Таъкидланишича, энди спортчилар Петербургга бошқа рейс билан келишади, ушбу ҳодиса уларга Европа лигасининг учинчи саралаш босқичи доирасидаги “Зенит” билан ўйинда иштирок этишга халақит бермаслиги лозим. Баҳс 3 августга белгиланган.

Ушбу жамоаларнинг Исроилда ўтган биринчи учрашувида рус клуби 2:0 ҳисобида зафар қучганди. “Зенит” ғалаба қозонадиган бўлса, икки учрашув якунига кўра плей-оффга йўлланма олади, унга қуръа ташлаш эса 4 август куни бўлиб ўтади.