Жорий йилнинг 31 июль куни Яшнобод туман ИИБ ҲПБ профилактика инспекторлари томонидан ҳамқишлоғини Жанубий Кореяга ишга юборишини ваъда қилиб, 2.000 АҚШ долларини олган шахс қўлга олинди. Бу ҳақда Кун.uz’га ИИВ Ҳуқуқбузарликлар профилактикаси бош бошқармаси хабар берди.

Яшнобод тумани Авиасозлар 3-даҳаси 39 уй олдида,  1978 йилда туғилган, муқаддам судланмаган, Қашқадарё вилояти, Чироқчи туманида яшовчи М.А., шу туманда яшовчи Ю.Ж.га Жанубий Корея Республикасига ишга юборишни ваъда қилиб, 2.000 АҚШ долларини олиб, ўз эҳтиёжлари учун сарфлаб юборганлиги аниқланган. 

Яшнобод туман ИИБ томонидан фуқаро М.А.га нисбатан Ўзбекистон Республикаси ЖКнинг 168-моддаси 1-қисми билан  жиноят иши кўзғатилди.