Хитой дунёдаги иккинчи энг йирик ГЭСни қура бошлади

Жаҳон 03 Август 2017 20355

Хитой 3 август куни дунёдаги иккинчи энг йирик Байхэтань гидроэлектростанциясини қура бошлади. ГЭС Янцзи дарёсининг ирмоғи бўлган Цзиньша дарёсида қурилмоқда. Маълум қилинишича, ГЭСнинг қуввати 16 ГВт ни ташкил қилади. 

Лойиҳа ҳужжатларига кўра, электростанциянинг биринчи навбати 2021 йилда фойдаланишга киритилади, 2022 йил охирига эса тўлиқ битказилади. ГЭСнинг йиллик ўртача электр энергия ишлаб чиқариши ҳажми 62,4 млрд кВт/соатни ташкил қилади. Таъкидланишича, бу миқдор Пекиннинг 2015 йилги энергия истеъмолининг учдан икки қисмига тенг.

Иншоотлар мажмуаси таркибига ҳар бирининг қуввати 1 ГВт дан бўлган 16 та гидротурбина киради. Сув омборининг сув йиғадиган майдони 430 минг квадрат километрни ташкиш қилади,  бу Цзиньша дарёси бассейнининг 91 фоизга яқинини ташкил қилади.

Арка кўринишидига тўғонининг баландлиги 300 метрга етади, унинг қурилиши 2008 йилдан олиб борилмоқда. У қуриб битказилгандан кейин йириклиги бўйича Хитойдаги иккинчи, дунёдаги тўртинчи тўғонга  айланади. Лойиҳани амалга ошириш учун Сичуань ва Юньнань вилоятларидаги 100 мингга яқин кишини кўчириб ўтказилади. Лойиҳа қиймати маълум қилинмаган.

Дунёдаги энг йирик ГЭС “Уч дара” ҳам Хитойда қурилган бўлиб, у Янцзи дарёсида жойлашган. Унинг ўрнатилган қуввати 22,5 ГВт ни ташкил қилади. Айни вақтда 14 ГВт лик қувват билан бу борадаги иккинчи ўринни Бразилия ва Парагвай чегарасида жойлашган Парана дарёсидаги “Итайпу” ГЭСи эгалламоқда.

Кун янгиликлари
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 4248 Жамият
KUN.UZ хайрия акцияси: Жаҳонгирнинг бир оёғида операция ўтказилди, йигит барчадан миннатдор
19:03 / 21.08.2017 5109 Жамият
«Qorako'l Ziyo-Nur» ўқув маркази ўқувчиларининг 92,6 % талабалар сафига қабул қилинди
08:17 / 21.08.2017 20761 Lifestyle
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 49710 Жамият
Келажак мевалари: фарғоналик бемор онанинг икки нафар норасида фарзандига ёрдам қўлини чўзайлик
23:59 / 21.08.2017 3841 Жамият
Барселоналик террорчини йўқ қилишда синчков аёл ёрдам берди
23:57 / 21.08.2017 2268 Жаҳон
Шимолий Кореяга қочиб кетган охирги америкалик ҳарбий вафот этди
23:34 / 21.08.2017 4212 Жаҳон
Хитой хорижий инвестицияларга чеклов жорий қилди
23:08 / 21.08.2017 2403 Жаҳон
Дайжест: Самарқандда ҳокимлар алмашинуви, гўшт импорти учун имтиёз, Асакадаги заводда танаффус ва куннинг бошқа хабарлари
22:59 / 21.08.2017 3615 Жаҳон
Қозоғистонда ўзбек автомобиллари ишлаб чиқарилиши кенгайтирилиши мумкин
22:48 / 21.08.2017 3691 Технология
Кўпроқ янгиликлар