Икки йил аввал Дональд Трамп “Акула торнадоси” деб номланган фильмнинг 3-қисмида АҚШ президенти ролида суратга тушмоқчи бўлган. “РИА Новости” ахборот агентлигининг АҚШ ОАВга иқтибос келтирган ҳолда маълум қилишича, дастлаб бу ролга Алясканинг собиқ губернатори Сара Пэйлин таклиф қилинган, бироқ у билан кечган музокаралар муваффақиятсиз якунланган.

Шундан кейин бу ролни ижро этиш таклифи ўшанда тадбиркор ва бошловчи бўлган Трампга билдирилган. “Дональд «ҳа” деб айтган. У унга таклиф қилинаётган нарсадан жуда ҳайратда эди”, деб айтди фильмни суратга олиш билан шуғулланган Asylum компанияси асосчиларидан бири Дэвид Лэтт.

Маълум қилинишича, Трамп билан музокаралар етарлича муваффақиятли кечиб, ҳаттоки шартнома ҳам тузилган.

Бироқ бир неча ҳафтадан кейин Трамп адвокати унинг президентлик сайловларида иштирок этмоқчилигини ва фильмларда суратга тушиш учун вақти йўқлигини айтиб, рад жавобини берган.