Тошкент вилоятида 2017 йил 30 июлдан 3 августгача бўлган муддатда жами 125 та жиноят содир этилган. Шундан 110 таси "изи йўқолмасдан" фош этилган ва тезкор-тергов ҳаракатлари олиб борилмоқда. Фош этилмаган 13 та ўғирлик, 1 та баданга шикаст етказиш, 1 та талончилик жиноятлари бўйича айбдорларни қидириб топиш ва уларни қонун доирасида жавобгарликка тортиш борасида барча чоралар кўрилмоқда. Бу ҳақда вилоят ИИБда ташкил этилган матбуот брифингида маълум қилинди. 

Умуман, сожир этилган жииноятлар таҳлил этилганда, уларнинг 3 таси қасддан баданга оғир шикаст етказиш, 31 таси ўғирлик, 8 та фирибгарлик, 1 та талончилик, 4 та гиёҳвандлик, 12 та иқтисодий ва 66 та бошқа турдаги жиноятларни ташкил этиши маълум бўлган. 

Шу билан бирга, ҳафта давомида олиб борилган тадбирлар натижасида қидирувда юрган 33 нафар шахслар ушланди. Илгари содир этилиб, очилмаган 12 та ўғирлик жиноятлари фош этилди.