АҚШ президенти Дональд Трампнинг твитлари туширилган ҳожатхона қоғози Amazon онлайн-ритейлерида сотувда пайдо бўлди, деб хабар бермоқда Washington Examiner нашри.

Нашр маълумотларига кўра, қоғозга туширилган твитлар орасида Трамп президент бўлгунга қадар ёзган твитлари ҳам бор. 

Ушбу ҳожатхона қоғозининг бир ўрами нархи етказиб бериш билан 11,99 долларни ташкил қилмоқда. Маълумотларга кўра, 4 авгутнинг биринчи ярмида Amazon ушбу қоғозни ўзи сотмасликка қарор қилган ва уни учинчи шахслар орқали сотиб олишни таклиф қилган.

Таъкидланишича, Трамп Amazon президенти ва The Washington Post нашрига эгалик қилувчи Жефф Безосни бир неча маротаба танқид қилган. Трамп Безосга қарашли нашрни "ёлғон янгиликлар"ни яратишда айблаган ва Безос ритейлерни солиқлар ошишидан ҳимоя қилишда газетани қўллашини айтган.  

Аввалроқ Трампнинг Мексика номига айтган сўзларидан ранжиган мексикалик тадбиркор яқин орада бозорга "Трамп" маркаси остида ҳожатхона қоғозини чиқармоқчилиги маълум қилинган.