Хитойнинг Tencent телеком-компаниясининг иккита чат-боти ўчириб қўйилди. Бунга улар Хитой Халқ Республикаси коммунистик партиясига қарши чиқа бошлашгани сабаб бўлди, деб хабар қилмоқда Mashable.

BabyQ ва XiaoBing чат-ботлари маҳаллий мессенжер интеграция қилинди ва кўп ўтмай Хитойдаги сиёсатга қарши борувчи жавоблар бера бошлади. Хусусан “Сенга коммунистик партия ёқадими?” деган саволга ботлар рад жавобини беришган, улардан бири эса “менинг хитойча орзум – Америкага кетиш” дея маълум қилган.

Аввалроқ Facebook сунъий онгни "шахсий тили" пайдо бўлгани сабабли ўчириб қўйгани хабар берилганди.