Венесуэла президенти Николас Мадуро Мексика раҳбари Энрике Пенья Ньетони қўрқоқ ва АҚШ президенти Дональд Трамп томонидан “зўрланган хизматчи” деб атади, дея хабар қилмоқда El Nacional.

“Пенья Ньето, менга қулоқ сол: ўзинг билан шундай муносабатда бўлишларига имкон бераётганинг шармандалик. Мен Пенья Ньетони хўжайини, Трамп томонидан зўрланган ва ёмон муносабатда бўлинадиган хизматчи каби кўрмоқдаман”, - дея маълум қилди Мадуро.

Шунингдек, Венесуэла президентининг фикрича, Трамп Ньетога ҳамманинг олдида икки давлат чегарасида девор қуриш бўйича харажатлар оид буйруқ бермоқда.

“Агарда мен Мексика президенти бўлганимда, ҳамма деворни бузиб ташлаган бўлардим. Мен Мексика президенти, бу қўрқоқ Пенья Ньето каби эмасман”, - дея таъкидлаб ўтган Мадуро.

Аввалроқ Қўшма Штатлар президенти Дональд Трамп Венесуэла президенти Николас Мадурони диктатор деб атаганди.