Мирзиёев санъаткорларни солиққа тортиш масаласида гапирди

Ўзбекистон 04 Август 2017 60118
Фото: Президент матбуот хизмати

3 август куни Ўзбекистон президенти Шавкат Мирзиёев маданият, санъат, адабиёт ва ОАВ вакиллари билан учрашди. Видеоселектор кўринишидаги ушбу учрашувда соҳалардаги мавжуд муаммолар ва уларни бартараф этиш чоралари ҳамда келгусидаги вазифалар кўриб чиқилди. Йиғилишда барча вилоят, шаҳар ва туман ҳокимлари, уларнинг ўринбосарлари ҳамда қатор идора, ташкилотларнинг раҳбарлари иштирок этди.

Йиғилишда қатор долзарб масалалар кўтарилди. Хусусан, Кун.uz мухбирининг хабар беришича, давлат раҳбари эстрада хонандалари топган даромадлар солиққа тортилиши бўйича ҳам ўз фикрини билдирган.

Президент ўзбек эстрада хонандалари бошқа мамлакатлардаги каби топган даромадидан солиқ тўламаслиги, фақат бир йиллик лицензияга маблағ тўлашини қайд этиб ўтган. 

«Азбаройи санъатга бўлган ҳурматимиз учун солиққа тортмаяпмиз уларни. Чунки улар энди ҳаракат қилишсин», - деган Шавкат Мирзиёев.

Эслатиб ўтамиз, Кун.uz сайтида шу мавзуда бир неча мақолалар тақдим этилганди. Жумладан, июнь ойида Шуҳрат Шокиржонов муаллифлигида «Озодбек Назарбеков тўғри гапирди, лекин...» ва «Санъаткор солиқ тўламайди?! Мавзу давом этади...» сарлавҳали мақолалар шов-шув келтириб чиқарганди. Кейинроқ нашр қилинган «Санъаткорлар даромад солиғи тўлашдан тўлиқ озод қилиндими?» сарлавҳали мақолада давлат солиқ қўмитасининг концерт-томоша фаолияти билан шуғулланиш учун лицензия олган жисмоний шахсларнинг жисмоний шахслардан олинадиган даромад солиғи тўлаши бўйича маълумоти тақдим этилганди.

Кун янгиликлари
Ҳурматли абитуриентлар, сизнинг ҳали Олий ўқув юртига ўқишга кириш имкониятингиз бор!
09:55 13307 Lifestyle
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 20670 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 10328 Жамият
KUN.UZ хайрия акцияси: Жаҳонгирнинг бир оёғида операция ўтказилди, йигит барчадан миннатдор
19:03 / 21.08.2017 11153 Жамият
Ўзбекистон қачонгача ривожланаётган давлатлар қаторида қолади?
16:20 / 21.08.2017 38231 Ўзбекистон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 52215 Жамият
Атамбоев Қирғизистон бош вазири вазифасини бажарувчини тайинлади
14:28 3 Жаҳон
Трамп Афғонистондан америкалик ҳарбийларни зудтар олиб чиқиш имконсизлигини айтди
14:10 722 Жаҳон
Қозоғистон Қирғизистонга ёрдам кўрсатишни бошлади - 41 миллион доллар
14:00 546 Жаҳон
Президент ҳузурида ишбилармонлик муҳитини яхшилаш бўйича Давлат комиссияси ташкил этилиши мумкин
Кўпроқ янгиликлар