Эндиликда «ПСЖ» ҳужумчиси бўлган Неймар янги жамоага ўтиш билан бирга дунёнинг энг қиммат футболчиси рекордини янгилади.

Каталонияликлар расмий сайтига кўра, Неймарнинг вакиллари клубга шартномани бир томонлама бекор қилиш учун етарли бўлган 222 млн евро миқдорида маблағни тўлаб беришган ва натижада футбол тарихидаги янги рекордни юзага келтиришган. 

Неймарга қадар Поль Погба дунёнинг энг қиммат футболчиси бўлиб турганди. Ўтган йили у «Ювентус»дан 105 млн. евро эвазига «Манчестер Юнайтед»га йўл олганди.

Дунёнинг энг қиммат футболчилар. ТОП-5.

1. Неймар — 222 млн евро («Барселона» — эркин агентлик ҳуқуқи сотиб олиниб — «ПСЖ»га); 
2. Поль Погба — 105 млн евро («Ювентус» — «Манчестер Юнайтед»); 
3. Гарет Бэйл — 101 млн евро («Тоттенҳэм» — «Реал»); 
4. Криштиану Роналду — 94 млн евро («Манчестер Юнайтед» — «Реал»); 
5. Гонсало Игуаин — 90 млн евро («Наполи» — «Ювентус»).