Ўзбекистон терма жамоаси футболчилари Қирғизистонга қарши ўртоқлик ўйинида майдонга тушади. 

«Ўзбекистон 24» телеканалида хабар берилишича, ушбу учрашув 25 август куни Тошкентда ўтказилади.

Эслатиб ўтамиз, Ўзбекистон терма жамоасини ЖЧ-2018 саралаш босқичи доирасида иккита ўйин кутиб турибди. Самвел Бабаян қўли остидаги жамоа жаҳон чемпионати саралаш босқичи доирасида 31 август куни Ухань шаҳрида Хитой, 5 сентябрь куни эса Тошкентда Жанубий Кореяга қарши ўйнайди.

Айни пайтда Ўзбекистон саралашда 8 ўйиндан кейин 12 очко тўплаб, учинчи ўринда бормоқда.

Катта эҳтимол билан Қирғизистонга қарши ўйинда маҳаллий футболчилар туширилади. ФИФА кунлари бўлмаган саналарда легионерлар терма жамоага чақирилмайди.