Ўзбекистонлик талаба Японияда "Йилнинг энг яхши ўқитувчиси" бўлди

Жамият 04 Август 2017 28622

Аввалги хабарларимизда Японияда таҳсил олаётган иқтидорли ҳамюртимиз Фахриддин Эргашев ҳақида махсус репортажни тақдим этган эдик. Куни кеча Фахриддин яна бир катта эътирофга сазовор бўлди.  

Японияда Фан, таълим, маданият вазирлиги ва Токио шаҳар ҳокимияти ҳамкорлигида 「国際理解」"Кокусаирикаи" деб номланган жамият мавжуд. Жамиятнинг асосий мақсади Японияда таҳсил олаётган чет эллик талабаларни Токиода жойлашган бошланғич, ўрта мактабларга ва япон коллежларига юбориб, у ерда ўз давлатлари ҳақида маълумот беришини қўллаб-қувватлашдан иборат. 

Мазкур жамиятнинг аъзоси бўлишни истаган ҳар бир хорижлик талаба Японияда камида икки йил давомида ўқиган бўлиши ва махсус имтиҳондан муваффақиятли ўтиши лозим. Барча синовлардан омадли ўтган талабалар махсус дарс соатларида тақдимотлар ташкил этишади. 

Фахриддин ҳам 2016 йилда имтиҳонлардан муваффақиятли ўтиб, "Кокусаирикаи"нинг аъзосига айланди. Бир йил давомида Токионинг турли ҳудудларида жойлашган бошланғич ва ўрта мактабларда Ўзбекистон ҳақида дарслар ўтиб келди. 

Энг қувонарлиси эса, ҳамюртимиз 2016 йил якунига бағишланган тадбирда йиллик рейтинг бўйича биринчи ўринни эгаллади ҳамда "Кокусаирикаи" жамиятида "Йилнинг энг яхши ўқитувчиси", дея топилди. 

Айни дамда мазкур жамиятда дунёнинг 50га яқин мамлакатидан 200 нафарга яқин чет эллик талаба фаолият олиб боради. Улар орасида айнан ўзбекистонлик талабанинг ғолиб бўлиши барчамизнинг қалбимизда ғурур ва фахр туйғусини уйғотади. 

"Жаннатмакон юртимиз Ўзбекистон жуда бой тарихга, маданиятга эга. Доим японларга она юртим ҳақида фахрланиб гапириб бераман. Ҳар бир дарсдан сўнг, ўқувчиларим машғулот ҳақидаги таассуротларни хатга ёзиб юборишади. Хатларда Ўзбекистон ҳақидаги маълумотлар жуда қизиқ бўлганлиги, катта таассуротлар олишганлиги ва албатта, келажакда Ўзбекистонга ташриф буюришни исташлари ҳақида ёзишади. Бундан мен Ўзбекистон фуқароси сифатида оз бўлса ҳам мақсадимга эришганимдан бошим осмонга етади. Шу кунга қадар дунёнинг 10 ортиқ давлатида бўлдим. Ўзбекистонимиздек фаровон, тинч, одамлари меҳрибон ва инсонпарвар диёрлар жуда кам, деб ўйлайман", дейди Фахриддин.

Ҳозирги кунда Фахриддин давлат гранти асосида Японияда таҳсил олмоқда. У Токио чет тиллари университетининг магистратура босқичи, халқаро муносабатлар йўналиши 2-курс магистранти.

 Феруза Авазова

Кун янгиликлари
Қўшимча-контракт асосида ўқишни истайдиганлар нима қилиши керак?
11:30 / 18.08.2017 56763 Ўзбекистон
Миллий бренд — Fratelli Casa кийимларининг тарихи, бугунги ютуқлари ва келажак режалари ҳақида
11:05 / 18.08.2017 5718 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 113953 Жамият
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 11127 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 21265 Ўзбекистон
Фото: Тошкентда йўл-патруль хизмати мотогуруҳи тузилди
Tesla компаниясининг энг арзон модели Model 3 ҳақидаги асосий фактлар
Абдулазиз Комилов бошчилигидаги делегация Ҳиндистонга боради
Ҳаракатлар зое кетмади, аммо Аллоҳнинг тақдири экан...
12:10 5507 Жамият
Чипта баҳона 9 миллион сўмни «ухлатган» фирибгар қўлга олинди
12:00 1221 Жамият
Кўпроқ янгиликлар