Янгийўл туманида 2016 йилнинг май ойидан шу кунга қадар бир неча фуқароларни алдаб, ишончини суиистеъмол қилиб, моддий манфаатдорлик эвазига олган пулларини устама фоизлари билан қайтариб беришини айтиб, фирибгарлик қилган шахс қўлга олинди. Бу ҳақда Тошкент вилояти ИИБ хабар берди.

Янгийўл туманида 1981 йилда туғилган М.М. фирибгарлик йўли билан, 1981 йилда туғилган А.И. ва 1978 йилда туғилган Ў.Э.ларни ишончини суистеъмол қилиб, «12 бош қора молларини сотиб олиб, пулларни 12 ой муддатда устама фоизлари билан қайтариб бераман» – деб алдаб, А.И. ва Ў.Э.ларга 62.000.000 сўм пулларни шу кунга қадар бермаган, ўз эҳтиёжлари учун ишлатиб юборган.

Ҳозирда уларга нисбатан Ўзбекистон Республикаси Жиноят кодексининг тегишли моддалари билан жиноят иши қўзғатилиб, тергов ҳаракатлари олиб борилмоқда.