19:37 / 05.08.2017
7875

Samolyotni narkotik modda qabul qilganidan so‘ng boshqargan uchuvchi shartli jazoga loyiq topildi

Fransiyadagi sud EasyJet aviakompaniyasining 49 yoshli uchuvchisini shartli jazo muddatiga mahkum etdi. U samolyotni giyohvand modda iste'mol qilgan holda boshqargan, deb xabar bermoqda France Info.

Ta'kidlanishicha, sud uni 12 oyga shartli ravishda ozodlikdan mahkum etgan, biroq prokuror uchuvchisiga sakkiz oy so‘ragan. Shuningdek, ushbu shaxsga uchuvchilik bilan shug‘ullanish taqiqlandi.

Tergov ma'lumotiga ko‘ra, uchuvchi 2017 yilning mayida reysdan avval ekstrazi tabletkasining uchdan bir qismini qabul qilgan, natijada Parijning Orli aeroportiga qo‘nish chog‘ida u o‘zini yomon his qilgan.

Sud uchuvchini havo kemasi yo‘lovchilariga tahdid keltirib chiqarishda aybdor, deb topdi.

Sudlanuvchining so‘zlariga ko‘ra, tabletka effekti uni qabul qilgandan ikki soat o‘tib yo‘q bo‘lib ketadi, deya hisoblagan ekan.

Top