«Ливерпуль» футболчиси Филиппе Коутиньо «Барселона»га ўтишга яқин.

El Mundo Deportivo хабарига кўра, каталонлар клубидагилар ушбу 25 ёшли бразилиялик футболчи мерсисайдликлардан 100 миллион еврога сотиб олинишига ишонч билдирмоқда, ушбу трансфер 8 август куни расмийлаштирилиши мумкин.

«Барселона» Коутиньо билан 5 йиллик шартнома тузади.

Бунгача «Ливерпуль» ушбу ҳавбек учун каталонияликларнинг икки таклифини рад қилганди.

Коутиньо жамоанинг Дублинда «Атлетик»ка қарши ўтказган ва 3:1 ҳисобидаги ғалаба билан якунланган ўртоқлик ўйинига бормади. Бу унинг белида оғриқ пайдо бўлгани билан изоҳланган.

Бироз аввалроқ «Барселона» «Боруссия»дан 100 млн еврога Усмон Дембелени сотиб олаётгани ҳақида хабар берилганди.