Эронлик ҳарбий Теҳрон вилояти жанубидаги ҳарбий авиабазадаги бирга хизмат қилувчи хизматдошларини ўққа тутди. Бунинг оқибатида камида 3 киши ҳалок бўлди, 12 киши яраланди. Бу ҳақда Кахрезак шаҳри кенгаши раҳбарига иқтибос келтирган ҳолда Mehr ахборот агентлиги хабар берди

Ахборот агентлиги маълумотига кўра, отишма Кахрезак шаҳрида юз берган. Ҳалок бўлганлардан бири зобит, қолганлари оддий аскарлар бўлганлар. Ҳарбийлар жавоб ўти очиб, ҳужум қилган ҳарбийни бартараф этишган.

Барча яраланганлар шаҳарнинг жанубидаги ҳарбий-ҳаво кучлари госпиталига етказилганлар.

Ҳарбийнинг ҳужуми сабаблари ва воқеа тафсилотлари ҳозирча номаълум.