ОАВ Саудия Арабистони тахти ворисига суиқасд ҳақида хабар топди

Жаҳон 06 Август 2017 11373
Фото: epa/vostock-photo

Жидда шаҳрида Саудия Арабистонининг янги валиаҳд шаҳзодаси Муҳаммад ибн Салмон ҳаётига суиқасд уюштирилган. Бу ҳақда араб нашрларидаги хабарларга асосланган ҳолда Эрондаги FARS агентлиги хабар тарқатди.

Манба маълумотига кўра, валиаҳд ҳаётига саудиялик шаҳзодалардан бири суиқасд қилган. Муҳаммад ибн Салмонга шикаст етмаган, уни ўлдирмоқчи бўлган шаҳзода ҳибсга олинган.

FARS агентлигида қайд этилишича, Муҳаммад ибн Салмоннинг кейинги қарорлари, шунингдек, ўз рақобатчиларидан ўч олишга бўлган ҳаракатлари бошқа шаҳзодалар ўртасида норозилик келтириб чиқармоқда.

Маҳаллий нашрларда ёзилишича, Саудия Арабистони қироли Салмон яқин 5 ой ичида ўз ўғли фойдаси учун тахтдан воз кечиши мумкин. Яқин вақтлар ичида у Марокашга таътилни ўтказиш учун йўл олади, у йўқлигида эса Муҳаммад ибн Салмон мамлакатни бошқаради.

Муҳаммад ибн Салмон 21 июнь куни унинг отаси Салмон ибн Абдулазиз Ол Сауд валиаҳдни ўзгартириш ҳақидаги фармонни имзолагандан сўнг валиаҳд шаҳзодага айланганди: жияни Муҳаммад ибн Ноиф ўрнига қиролнинг 31 ёшли ўғли тахт вориси, деб эълон қилинганди. Муҳаммад ибн Ноиф ички ишлар вазири лавозимидан ҳам мосуво бўлди, Муҳаммад ибн Салмон эса мудофаа вазири лавозими ва ҳукуматда бош вазир ўринбосарлигини сақлаб қолди.

Муҳаммад ибн Ноиф айни вақтда уй қамоғида сақланмоқда. Валиаҳд мақомидан айрилгач, у ҳеч қаерга чиқа олмайди ва ҳеч ким билан телефон орқали мулоқот қила олмайди.

Айрим манбаларга кўра, унинг тахт ворислигидан четлатилишига гиёҳванд бўлиб қолгани сабаб эди.

Кун янгиликлари
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 22705 Жамият
Ўзбекистон қачонгача ривожланаётган давлатлар қаторида қолади?
16:20 / 21.08.2017 49233 Ўзбекистон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 62976 Жамият
CNN: Трампнинг маслаҳатчиси Путин билан учрашув уюштиришга ҳаракат қилган
09:58 62 Жаҳон
ЕЧЛ. Қуръадан олдин барча иштирокчилар номи ва саватчалар таркиби
09:57 155 Спорт
АҚШ янги ядровий қанотли ракета яратишга буюртма берди
09:40 465 Жаҳон
ОАВ: Россия ва Миср ўртасидаги авиаалоқа 2017 йилда тикланмайди
09:37 257 Жаҳон
Ўзбекистонда якка тартибдаги тадбиркорларнинг банкротлик жараёни жорий этилади
Мексиканинг биринчи электромобили ноябрь ойида пайдо бўлади
Вайронкор “Хато” тўфони Жанубий Хитойда 12 кишининг умрига зомин бўлди
09:25 530 Жаҳон
Кўпроқ янгиликлар