«ПСЖ» президенти Носир ал-Хелайфий Неймарнинг трансферини амалга оширишда «Барселона» ёрдам бергани ҳақида гапирди. Ла Лига бу трансферни тўхтатиб қолмоқчи бўлганди, аммо бу трансфер амалга оширилди.

«Ла Лига Неймар трансферини тақиқлаб қўймоқчи эди. Шунда «Барселона» раҳбарияти вакили менга қўнғироқ қилиб, муаммони биргаликда ҳал қилишимиз мумкинлигини билдирди. Мен биз бунга тайёр эканимизни айтдим. Бу дунёнинг энг яхши клубларидан биридир.

Мен Неймар трансфери ҳақида 3 йил олдиндан буён ўйлардим. Музокараларни қандай ўтказишимизни режалаштириш учун бир йил сарфладик. Икки ҳафта олдин эса биз бу ишга киришдик.

Бу жуда мураккаб трансфер бўлди. Биз тунларни уйқусиз ўтказдик. Бу ишдаги ҳаракатлар учун жамоага миннатдорчилик билдираман. Бизда мақсад бор эди ва биз бу мақсадга эришдик», — дея Ал-Хелайфийнинг сўзларини келтирган Goal нашри.