Американинг Google компанияси Android 8 («O»)дастурий таъминотига доир маълумотнома ҳужжатларининг навбатдаги қисмини эълон қилди. Унга кўра, эндиликда, фойдаланувчилар телефон хотирасида бўш жой қолмаган бўлса ҳам унинг дастурий таъминотини амалдагисига тармоқ орқали «янгилаб» олиши мумкин бўлади. 

Бу вазифа Android-қуриллманинг хотирасини икки қисмга бўлиш, яъни «фойдаланувчи» ва «тизимли»га бўлиш билан ҳал этилади. Бу ўзига хослик дастурий таъминотнинг 2016 йилда ҳавола қилинган 7-чи намунасида ҳам жорий қилинган эди. 

Авваллари янгиланишлар хотиранинг «фойдаланувчи» қисмига юкланиб, сўнгра «тизимли» қисмига кўчар эди. Баъзан «фойдаланувчи» хотираси тўлиқ банд бўлиб, янгиланиш файлларига жой қолмайди. Тизимнинг янги намунасида янгиланиш бирданига «техник» бўлимга юкланади.

Бундай усул фойдаланувчиларга янгилаш чоғида хотиранинг тўлиб қолиши билан боғлиқ муаммоларни четлаб ўтишларига ёрдам беради. У, шунингдек, жараён муддатини ҳам қисқартиради: қурилманинг маълумотларни хотиранинг у бўлимидан бу бўлимига кўчиришига ҳожат қолмайди. Файллар телефон аппарати ўчириб ёқилганда ўрнатилади. 

Android 8 («О») дастурий таъминоти май ойида Google I/O конференциясида намойиш қилинган эди. У 2017 йил учинчи чорагида тақдим этилади.