«Барселона» Жоан Гампер кубоги учун учрашувда «Шапекоэнсе»ни йирик ҳисобда мағлуб этди. Барселонадаги «Камп Ноу» стадионида кечган баҳс 5:0 ҳисобида якунланди.

Голларни Херард Деулофеу, Серхио Бускетс, Лионель Месси, Луис Суарес ва Денис Суарес киритди.

Учрашув «Шапекоэнсе» жамоасининг авиаҳалокатга учраган санага бағишланди. 2016 йилнинг 29 ноябрь куни Бразилия клуби аъзолари бўлган самолёт Медельинда ҳалокатга учраганди.

Эслатиб ўтамиз, Жоан Гампер кубоги – ҳар йили «Барселона» томонидан ташкиллаштирилувчи ўртоқлик мусобақаси. Соврин «Барселона» асосчиси – афсонавий президенти Жоан Гампер шарафига номланган.

Барселона Испания – Шапекоэнсе Бразилия – 5:0 (3:0)
Голлар: 1:0 – Деулофеу (6), 2:0 – Бускетс (11), 3:0 – Месси (28), 4:0 – Суарес (54), 5:0 – Д.Суарес (74).

Барселона: Тер Стеген (Силлессен, 46), Пике (Марлон, 77), Умтити (Маскерано, 61), Альба (Динь, 77), Видаль (Семеду, 77), Бускетс (Сампер. 77), Ракитич (Аленья, 77), Иньеста (С.Роберто, 61), Месси (Мунир, 77), Деулофеу (Д.Суарес, 46), Суарес (Алькасер, 77).