Британияликлар тез орада Facebook каби ижтимоий тармоқларга жойлаштирган маълумотларини ўчириш имкониятига эга бўлади. Янги ҳукумат қонун лойиҳасида ана шу каби ўзгаришларни кўзда тутувчи бандлар мавжуд бўлиб, бу орқали платформа маълумотлар омбори шахсий профилда белгиланган ўзгаришларни «унутиб» юбориш мумкин.

Душанба куни шу мазмундаги баёнот билан нутқ сўзлаган мамлакат Рақамли алоқа вазири Метт Ҳенкок фуқароларининг ижтимоий тармоқларда шахсий маълумотларини эркин бошқаришда янада кўпроқ имкониятга эга бўлиши лозим, деб ҳисоблайди.

Қонун лойиҳаси 2018 йили май ойидан бошлаб кучга кириши режалаштирилган бўлиб, у «Умумий маълумотларни ҳимоялаш дастури» (ГДПР) доирасида фаоллаштирилади. Эслатиб ўтамиз, ижтимоий тармоқлардаги шахсий маълумотлар омбори фойдаланувчининг «Фойдаланишдаги умумий қоидалар» шартномаси билан танишиб чиқиши билан йиғиб борилади.