ИШИД террорчилик гуруҳи жангарилари Суриянинг Дайр аз-Зор шаҳрига ҳужум қилишди. Тинч аҳоли вакиллари ҳам уларнинг ҳужумига учраган.

Бу ҳақда SANA хабар бермоқда.

Миномётлардан ўққа тутиш натижасида бир киши ҳалок бўлган, уч инсон турли даражада жароҳат олди.

Шунингдек таъкидланишича, инфратузилма ва хусусий мулкка жиддий зарар етган.

5 август куни Сурия ҳукумат қўшинлари республика ҳарбий-ҳаво кучларининг қўллаб-қувватлови ёрдамида ИШИД террорчилик гуруҳининг Дайр аз-Зор шаҳрига ҳужумини қайтарганди.