Электрон тижорат гиганти Alibaba асосчиси Жек Ма Forbes журнали бўйича Осиёнинг энг бадавлат одамлари рўйхатидаги етакчиликни Tencent телекоммуникация компанияси раҳбари Ма Хуатэнга бой берди.

Нашр маълумотларига кўра, Хуатэн илк бор бу рўйхатга бошчилик қилмоқда, унинг бойлиги айни вақтда 37 млрд долларга баҳоланган. Кечагина энг юқори поғонани 36,4 млрд доллар билан Жек Ма эгаллаб турганди, бироқ Tencent акцияларининг Ҳонгконг биржасида қимматлашиши натижасида Хуатэн бойлиги 36,2 млрд дан 37 млрд гача кўпайган.  

Хитойнинг Tencent компанияси WeChat мессенжери ва бир қатор оммавий онлайн-ўйинлар яратувчиси ҳисобланади.