АҚШ президенти Дональд Трамп ўзининг Twitter саҳифаси орқали Шимолий Кореянинг ракета дастурига қарши курашни қўллаб-қувватлаган мамлакатларга миннатдорчилик билдирди

"Узоқ йиллик зиддиятлардан кейин мамлакатлар ниҳоят  Шимолий Корея солаётган таҳдидларга жавоб қайтариш учун йиғилишди", - деб ёзади у. 

Шунингдек Америка президенти АҚШ ва бошқа мамлакатлар ўз мақсадларида "қатъий туришлари керак"лигини таъкидлади. 

5 август куни БМТ Хафсизлик Кенгаши бир овоздан КХДРга қарши санкцияларни кучайтиришни қўллаб-қувватлади. Бунга Шимолий Корея томонидан икки қитъалараро баллистик ракетанинг ишга туширилиши сабаб бўлди. Таъкидлаш жоизки, Шимолий Кореянинг иттифоқдошлари ҳисобланган Россия ва Хитой ҳам санкцияларни кучайтириш ташаббусини қўллаб-қувватлашган.

Япония ТИВ вакили Тосихидэ Андо ҳам БМТ сакцияларини кучайтиришни қўллаб чиқди. У шунингдек Пхеньян билан мулоқотни йўлга қўйиш эмас, унга "самарали босим" ўтказишга чақирди.