Туркияда 2021 йилда қурғоқчилик кузатилиши мумкин. Бу фикр билан Ўрмон ва сув ишлари вазири Вейсал Эрўғли томонидан билдирилди.

«Биз қурғоқчилик кўп кузатиладиган ҳудудлар бўйича аниқ ҳисоблаш ишларини олиб боришимиз керак. Одатда қурғоқчилик ҳар етти йилда юзага келади: 1994, 2000, 2007 ва 2014 йиллар. Келгусида бу 2020 ёки 2021 йилларда бўлиши мумкин», - деб таъкидлаган вазир Мелен сув омбори лойиҳаси билан танишиб чиқиш чоғида.

Мамлакатнинг шимол-ғарбий ҳудудида бунёд этилаётган Мелен сув омбори катта имкониятлар ва захирага эга бўлиши кутилмоқда. «Омбордаги сув ресурслари хўжаликларни йилига 1,7 миллиард кубометр сув билан таъминлашга етади. Истанбул шаҳрининг истеъмоли аслида 1 миллиард кубометр сувни ташкил этишини ҳисобга олсак, бу катта имкониятлар омбори бўлади», - деб қўшимча қилган у.

Мелен сув омбори қурилиши 2014 йилда бошланган бўлиб, 175 кундан кейин қурилиш ишлари якунланиши белгиланган.