UBS томонидан тайёрланган ҳисоботга кўра, учувчисиз самолётларнинг авиация саноатида қўлланиши йилига 35 миллиард АҚШ доллари миқдоридаги маблағлар тежалиши имконини беради. Аммо, бир муаммо ечимсиз қолмоқда: йўловчиларнинг фақат 17 фоизи шу турдаги хизматлардан фойдаланишга рози бўлиши мумкинлигини билдирган.

UBS мутахассисларининг фикрича, учувчисиз илк самолёт 2025 йилдан хизмат кўрсатиши мумкин. Шу даврдан кейинги беш йил ичида масофадан бошқариладиган вертолёт, бизнес жетлар ҳам ишлаб чиқарилади.

Шунга қарамай, айни пайтда амалга оширилаётган парвозлар чоғида учувчи ҳаво кемаси навигациядаги барча жараёнларни бошқариб боради, парвознинг кейинги қисми учун техник созламалар тайёрлайди.

Одатда компаниялар ҳар бир самолёт учун 10га яқин учувчини ишга ёллайди. 2017 йилдан 2036 йилгача Boeing компаниясининг ўзи 4,100 дона турли ҳаво кемаларини сотишни режалаштирган бўлиб, бу қўшимча 637 минг учувчини талаб қилади. Учувчисиз парвозлар эса авиачипта нархига ҳам сезиларли таъсир ўтказа олади, яъни АҚШнинг ўзида 11 фоизга арзонроқ савдо қилиш мумкин.

Ҳозирча бундай технология билан жиҳозланган биринчи ҳаво кемаси юк ташишда синаб кўрилиши режалаштирилмоқда.