Америкаликларнинг қарийб учдан икки қисми (62 фоиз) Шимолий Корея АҚШга жиддий хавф туғдиради, деб ҳисоблайди. Бундан SSRS томонидан CNN учун ўтказилган сўровнома натижалари дарак бермоқда.

Таъкидланишича, мартда сўровдан иштирок этганларнинг 48 фоизи шундай фикрни билдирган.

Шунингдек, респондентларнинг 77 фоизининг ҳисоблашича, КХДР Қўшма Штатларга зарар етказишга қодир бўлган ракетани учириши мумкин.

Аввалроқ Шимолий Корея АҚШнинг Гуамдаги базасига зарба бериш режасини тузаётгани хабар берилганди.